La planisaziun da questa halla polivalenta sto esser finida uschè lunsch che la populaziun po votar sur dal credit final e quai la fin settember. La fin settember scada numnadamain l'empermischun da Remo Stoffel da sustegnair quella halla cun 4,5 milliuns francs.
Quant che la halla polivalenta vegn a custar n'è anc betg cler. L'architect Sacha Menz che ha gudagnà l’occurrenza d’architectura era preschent, ed el ha manegià ch'i fissi mo speculaziun da dir ina summa. Val ha 10,5 milliuns a disposiziun. Stefan Schmid il president da vischnanca ha manegià che quai pudessi vegnir cnap. El ha fatg attent ch'ils giavischs sajan creschids cuntinuadamain ed uschia era ils custs. La halla polivalenta saja betg pli mo ina halla, ussa dettia er in'abitaziun per il pedel, ina pratica per il medi, engrondiment da stanzas da scola e da la halla sezza.
RR novitads 06:00