Surselva - Val decida sur dal futur da las pendicularas
Dapi onns èn las pendicularas da Val en ina situaziun finanziala pauc empernaivla. Dapi onns sto la vischnanca adina puspè conceder credits finanzials per segirar la liquiditad da quella. Ussa duai la finanziaziun vegnir reglada auter.
Legenda:
Adina puspè han las pendicularas da Val pudì quintar cun sustegn da la vischnanca.
RTR, Esther Berther
2 / 3
Legenda:
Stefan Schmid, il president communal da Val.
RTR, Esther Berther
3 / 3
Legenda:
Il project da finanziaziun da turissem occupa ils votants a Val.
RTR, Esther Berther
Cun bler dapli frequenzas na possian ins era en il futur strusch quintar, manegia il president communal Stefan Schmid. Tuttina less ins mantegnair las pendicularas, quai saja in'impurtanta purschida per giasts ed era per ils abitants da Val.
Nus essan da l'avis d'avair chattà ina soluziun, che adossescha a tuts che pon profitar da las pendicularas ina contribuziun finanziala.
audio
Mezdi: Val e sias pendicularas
03:38 min, ord Actualitad dals 12.10.2018.
laschar ir. Durada: 3 minutas 38 Secundas.
audio
Mezdi: Il model per finanziar las pendicularas
02:43 min, ord Actualitad dals 12.10.2018.
laschar ir. Durada: 2 minutas 43 Secundas.
Suenter lungas discussiuns da passa 2 onns preschenta la vischnanca ussa in plan co organisar las finanzas e la liquiditad en futur. In plan che preveda da reparter las finanzas sin abitants, possessurs da giaschom e possessurs da secundas abitaziuns e hotels.
