Matthias Schmidberger daventa «Executive Chef» da l'hotel 7132 a Val. Er en il restaurant 7132 Silver, ch’è vegnì premià cun duas stailas da Michelin e 18 puncts da Gault Millau, datti midadas. Marcel Koolen cumenza là sco «Head Chef». Els suondan per il prim d’avrigl 2023 a Mitja Birlo, sco ch'igl ha num en la communicaziun da l'hotel.
Matthias Schmidberger porta vent frestg en nossas ustarias per che nus possian sa sviluppar vinavant a moda ambiziusa e promover talents giuvens. Marcel Koolen è perfetg per la posiziun dal schef da cuschina creativ.
Cun Marcel Koolen resta l’hotel fidaivel al concept da «Silver Fine-Dining» e dat la schanza ad in noviz da demonstrar ses talent. Per Katrin Rüfenacht, la managera generala dals 7132 hotels, è l’occupaziun dubla da Schmidberger e Koolen la dretga tscherna.
