A l'ur dal lieu cun il num da cultira «Sum Crap», è ina gronda quantitad da material sa distatgada gievgia e sballunada en il Glogn. Quant bler material ch’è vegnì giu n’è anc betg enconuschent da vart uffiziala. Tenor in abitant dad Uors, Guido Derungs, ch'ha constatà la crudada, sajan probablamain var 1’000 cubics material ids a val.
Ina sfessa en il terren e bain visibla en il plaun sura. Giu en il Glogn è sa furmà ina sort lai. Sco Daniel Solèr, il president communal da la Lumnezia, ha communitgà envers RTR, haja la vischnanca segirà il lieu. La vischnanca sclereschia uss tge ch’ils proxims pass vegnian ad esser.
Crudada da grep en il Glogn
