La regenza grischuna ha concedì a la corporaziun d'aua Medel/Lucmagn ina contribuziun da bunamain 680'000 francs. Quai sustegn finanzial è per la nova construcziun dal provediment d'aua da Fuorns en Val Medel.
Il provediment d'aua da la fracziun da Fuorns era vegnì donnegià fermamain tar malauras l'avust 2019. Per pudair garantir il provediment d'aua en il futur ha la corporaziun d'aua Medel/Lucmagn decidì da midar il lieu da retrair l'aua. L'aua duaja enstagl vegnir retratga en la Val Parada. Ils bunamain 680'000 francs survegn la corporaziun en il rom dals custs da radund 2,26 milliuns francs.