En la Val Medel, sut il Pass dal Lucmagn, hai dà la dumengia curt avant las 13:00 in incendi da cultira. Ils pumpiers da Sursassiala han gì spert sut controlla l'incendi ed uschia pudì impedir, che quel sa derasia, ha communitgà la Polizia chantunala.
La raschun per l'incendi da cultira è probabel stà in fieu da grillada, che n'è betg vegnì stizzà correct. Il donn material è pitschen e naginas persunas èn vegnidas blessadas.
En vista a la stagiun da grillar fa la Polizia chantunala attent, ch'ins duaja be nizzegiar fuainas adattadas e far attenziun da stizzar il fieu correctamain.