Siglir tar il cuntegn

Header

Navigaziun

Legenda: Tadlar il audio Bunura: Val – President Stefan Schmid cun rolla dubla. Durada 03:53 minutas.
Or da Actualitad dals 07.06.2019.
cuntegn

Val Nova dispita cun vegls participants

Presidiar la vischnanca ed esser directur da turissem a Val – nagin problem.

A Val datti puspè critica: La gruppa d'opposiziun dals Gualsers preoccupads crititgescha il mandat dubel dal president communal. I na giaja betg ch'il president Stefan Schmid saja al medem mument directur da la Visit Vals.

Il mandat dubel – per il crititgà nagin problem

Per Stefan Schmid nagin problem: Las procentualas da questas duas plazzas, 40% president Val e 50% directur Visit Vals, sajan idealas per vegnir fatgas da la medema persuna. Omaduas procentualas da plazza pretendian che la persuna saja engaschada anc insanua auter ed uschia possia quai dar interess che sa taglian:

Sco president da vischnanca vegn jau a prender stgisa cura ch’i va per chaussas da la VisitVals. Quai sa chapescha da sasez en ina vischnanca uschè pitschna.
Autur: Stefan Schmidpresident da vischnanca e directur da VisitVals

Gualsers preoccupads: La prestaziun vegn a mussar

Per ils Gualsers preoccupads èn las argumentaziuns dal president da vischnanca ina – da l'autra vart stettia la prestaziun:

Ils protagonists ch'èn ussa al timun ston vegnir mesirads vid lur prestaziun, e quai vul dir dovran els anc dapli daners da taglia per il turissem u vegnan els davent da questa finanziaziun dal maun public.
Autur: Marcel Meyerpledader dals Gualsers preoccupads

RR actualitad 07:00