Siglir tar il cuntegn

Header

Remo Stoffel.
Legenda: Keystone
cuntegn

Surselva Val: Remo Stoffel ha entant pajà ils 1,5 milliuns francs

L'interprendider da Cuira Remo Stoffel ha er pajà la segunda transcha dals 1,5 milliuns francs vi da la nova halla polivalenta da Val Sogn Pieder.

Il pajament saja succedì sco fatg giu. Uschia ha il president communal Stefan Schmid infurmà la radunanza communala.

Contractivas per la fundaziun da la terma

Plinavant avanzian las contractivas cun Stoffel per midar la terma da Val en ina fundaziun. Cun quella vegn la terma puspè en ils mauns dals da Val. Il pievel possia probabel anc decider enturn la mità da l'onn davart quella.

Ils da Val han plinavant approvà differents credits da total mez milliun francs. Tranter auter per colliar la chasa da scola e la nova halla polivalenta cun il nov stgaudament a distanza.

RR novitads 23:00