Gist duas festas organisescha la musica instrumentala da Val S. Pieder en prest in mais. La sonda, ils trais da zercladur, ha lieu la festa districtuala da musicas instrumentalas ed il di suenter la festa chantunala per musicas da giuventetgna.
Festa districtuala da la Surselva
13 musicas da la Surselva ed ina musica ospitanta sa preschentan quest di als experts da musica. Sco emprim sunan las musicas en il center Glüs ils tocs da pag nua ch'ellas pon decider da survegnir puncts, in rapport ni da sunar senza vegnir giuditgadas. Nua che tut las musicas survegnan puncts è tar la producziun da marschar. Quella ha lieu il suentermezdi. La rangaziun da quella occurrenza vegn communitgada la saira suenter la onuraziun dils veteran en la tenda da festa
Festa chantunala da musicas da giuventetgna
La dumengia sa preschentan nov musicas da giuventetgna da l'entir chantun en il center Glüs. Da la Surselva en naginas musicas s'annunziadas per la festa. Il suentermezdi participeschan alura trais musicas a l'occurrenza da marschar. Enturn las 16:00 uras datti ils pleds finals e la festa va a fin.
Or da l'archiv
