Siglir tar il cuntegn

Header

Hotel.
Legenda: La vendita da la Therme Val è stada correcta. RTR
cuntegn

Val S. Pieder La vendita da l'hotel Therme Val è stada correcta

La vendita da l'hotel Therme Val è stada correcta. La procura publica grischuna ha mess ad acta ina procedura penala pervi dal suspect da gestiun malfidaivla en connex cun vender l'hotel Therme. Quai communitgescha la procura publica.

Inoltrà ina denunzia aveva la regenza grischuna il mars 2017. Per sclerir il cas ha la procura laschà far in'expertisa. Lezza vegn a la conclusiun ch'il pretsch che l'interprendider Remo Stoffel ha offrì, saja stà adequat e tenor il martgà. Er la renfatscha da corrupziun cunter dus anteriurs commembers dal cussegl d'administraziun n'han ins betg pudì cumprovar.

Ord l'archiv:

La vendita da l'hotel e la terma da Val S. Pieder a l'investider Remo Stoffel procura gia dapi onns per discussiuns. Uschia è in recurs cunter la vendita gia vegnì refusà il 2012.

video
Refusà recurs cunter vendita da la terma a Val S. Pieder
Or da Telesguard dals 22.11.2012.
laschar ir

RTR novitads 11:00

Artitgels legids il pli savens

Scrollar a sanestra Scrollar a dretga