La vendita da l'hotel Therme Val è stada correcta. La procura publica grischuna ha mess ad acta ina procedura penala pervi dal suspect da gestiun malfidaivla en connex cun vender l'hotel Therme. Quai communitgescha la procura publica.
Inoltrà ina denunzia aveva la regenza grischuna il mars 2017. Per sclerir il cas ha la procura laschà far in'expertisa. Lezza vegn a la conclusiun ch'il pretsch che l'interprendider Remo Stoffel ha offrì, saja stà adequat e tenor il martgà. Er la renfatscha da corrupziun cunter dus anteriurs commembers dal cussegl d'administraziun n'han ins betg pudì cumprovar.
Ord l'archiv:
La vendita da l'hotel e la terma da Val S. Pieder a l'investider Remo Stoffel procura gia dapi onns per discussiuns. Uschia è in recurs cunter la vendita gia vegnì refusà il 2012.
