Glindesdi suentermezdi è in um crudà plirs meters en la profunditad en ina cava da crappa a Val Son Pieder. Malgrà l'agid immediat è l'um da 56 onns mort anc al lieu. Sco quai che la polizia chantunala communitgescha ha l'um durant lavurs da furar vulì traversar ina spunda taissa e cuverta da naiv. Latiers è el vegnì tschiffà d'in squatsch da naiv che ha tratg l'um passa 40 meters en la profunditad.
