Siglir tar il cuntegn

Header

Las trais chasas cun tetg plat davant si Zervreila entamez Selva a davos Tomül.
Legenda: Las chasas d'apartaments dal cumplex da la terma - las trais chasas cun tetg plat davant si Zervreila entamez Selva e davos Tomül. RTR, L. Livers
cuntegn

Surselva Val – Stoffel ha engrondì ses possess

Surpraisa a la radunanza da condomini a Val S. Pieder: En las chasas Selva e Zervreila ha Remo Stoffel la maioritad da las vuschs. Facticamain sa el decider uschia, tge che succeda en quellas chasas.

audio
Bunura: Val - Stoffel ha la maioritad en las casas Condomini
02:54 min, Actualitad dals 22.03.2016.
laschar ir. Durada: 02:54 minutas.

Ina giada ad onn sa scuntran ils possessurs da las abitaziuns da vacanzas en las trais chasas Selva, Zervreila e Tomül a lur radunanza da condomini. Quest onn han ils preschents constatà cun surpraisa, che la 7132 SA ha acquistà la maioritad en 2 da 3 chasas d’abitaziuns.

Las 3 chasas èn impurtantas per la tur da 381 meters

Las trais chasas Selva, Zervreila e Tomül furman ensemen cun l’hotel Therme e la terma sez il cumplex da la terma a Val S. Pieder. Ellas giogan ina rolla impurtanta per realisar il project ambizius da la tur giganta da 381 meters autezza, che la 7132 SA da Remo Stoffel planisescha - cun quai ch'il sochel da la tur gigantica vegniss a star amez ellas en.

Dapi la cumpra da la terma l’onn 2012 è Remo Stoffel londervi, da cumprar en las trais chasas las abitaziuns, ch’èn en possess da divers privats. Ina part da las abitaziuns en las chasas tutgava gia a l’hotel Therme cura che quel era anc via la Hoteba en possess da la vischnanca da Val.

Tge che vegn a succeder n'è betg enconuschent

La survista da las relaziuns da possess sa mussa per propi pir a las radunanzas annualas cura ch’i va per la maioritad da vuschs. Tge che vegn a succeder, sche la 7132 SA ha la maioritad en tut las chasas n’è betg resortì a la radunanza da condomini. Fatg è ch’ella impona tut las forzas per cumprar las abitaziuns che na tutgan anc betg ad ella e survegnir uschia la maioritad.

Las relaziuns da possess

Avrir la box Serrar la box
  • Selva - nagina surpraisa, la radunana aveva spettà che la 7132 SA cuntanscha quest onn la maioritad. Actualmain: 40 abitaziuns 7132 SA : 30 ulteriurs.
  • Zervreila - la gronda surpraisa per la radunanza. Actualmain: 56 abitaziuns 7132 SA : 54 ulteriurs.
  • Tomül - anc nagina maioritad per la 7132 SA. Actualmain: 36 abitaziuns 7132 SA : 51 ulteriurs.

Artitgels legids il pli savens

Scrollar a sanestra Scrollar a dretga