Perquai che Val ha bler dapli ch'ils 20% abitaziuns da vacanzas, van quellas duas chasas sut lescha da segundas abitaziuns che vegnan lubidas mo sch'ellas èn administradas. Las duas chasas da pliras abitaziuns a Leis, ina part dal vitg sur Val, avessan duì vegnir administradas d'in hotel a Val.
Distanza tar l'hotel memia gronda
Il Tribunal federal è dentant suandà la recurrenta Helvetia nostra che argumentescha che la distanza da plirs kilometers tranter l'hotel e las chasas da vacanzas na correspundia betg ad in'unitad sco quai ch'igl è giavischà en ina tala situaziun. Il Tribunal federal schlia uschia la lubientscha da bajegiar da la vischnanca da Val ed abolescha la decisiun da la dretgira administrativa dal Grischun che aveva refusà il recurs da Helvetia nostra.
RR novitads 12:00