A Valendau, ina fracziun da la vischnanca Val Stussavgia, èn duas persunas sa blessadas grevamain tar in accident d'auto. L'accident è capità dumengia saira suenter las nov. In giast tudestg e sia dunna charravan da Valendau en direcziun Glion, en ina storta sanestra saja l'automobilist charrà sur l'ur da la via ora, sco la Polizia chantunala scriva.
L'auto saja rudlà giu d'ina costa è collidà suenter var 50 meters cun ina stalla. L'um da 47 onns saja stà encugnà en il auto ed haja stuì vegnir salvà dal servetsch da salvament Surselva or dal tetg da l'auto, la dunna da 49 onns haja pudì vegnir salvada or la porta da l'auto. La Rega haja transportà omadus cun in helicopter en l'Ospital chantunal a Cuira.