Siglir tar il cuntegn
cuntegn

Surselva Valendau fa teater: «Herr Puntila und sein Knecht Matti»

La gruppa da teater preschenta il toc da teater «Herr Puntila und sein Knecht Matti» da l'autur renumà Bertolt Brecht. La premiera ha lieu oz en la halla polivalenta da Valendau.

23 acturs ed in musicist che fa l'accumpagnament cun in accordeon èn en acziun tar «Herr Puntila und sein Knecht Matti». La premiera ha lieu gievgia, ils 14 da favrer, a las 20:15 en la halla polivalenta a Valendau.

In'istorgia cun gronds cuntrasts

Il pur ritg Puntila è a la tschertga d'in um adequat che savess maridar sia feglia Eva. L'adolescent «Attaché», in um cun pussanza e noblezza, è per Puntila in candidat optimal. Il pauper famegl Matti, che lavura per Puntila è percunter betg in bun candidat. Quella decisiun sa mida dentant, cura che Puntila baiva sturn. Lura è mintgamai Matti ses um preferì per Eva. El baiva trasora e mida per consequenza trasora sia opiniun. Igl è in'istorgia plain vita cun differents aspects: pauper versus ritg, miaivel versus dominant ed abstinet versus sturn.

RR actualitad 11:00