Siglir tar il cuntegn

Header

cuntegn

Surselva Varga 130 annunzias per GP Val

Il nov trassé da Panaduz fin Val carmala dapli ciclists e ciclistas.

La 35 avla ediziun dal GP Val è la pli spectaculara – quai è gia segir. La cursa da Val quinta tar la cuppa grischuna. Quest onn è ella la segunda da 17 cursas en la cuppa grischuna. Da Panaduz tras la Ruinaulta a Glion fin enta Val, quai èn 40,6 kilometers. Exact il dubel da la lunghezza dal GP da Val original ch'i ha dà ils ultims onns.

Sco quai che Stefan Schwenke, il pledader da medias dal GP Val ha detg ad RTR, saja la cursa pli lunga era pli attractiva per ciclists e ciclistas d’ordaifer. Era ils victurs da l'onn passà – Emanuel Müller e Nina Zoller – èn puspè da la partida. Il local matador Vital Albin ch'è stà l’onn passa il segund è era dalla partenza.

La cursa ha lieu dumengia, ils 6 da matg. La partenza da las dunnas è a las 10.55 e dals umens a las 11:05 a Panaduz.

RR novitads 06:00

Artitgels legids il pli savens