Surselva - Vatgas en stallas avertas na schelan betg
Perquai che vatgas che vegnan tegnidas en stallas libras passentan bler temp giuadora èn ellas preparadas per temperaturas bassas e na schelan perquai betg durant il temp da fradaglia.
Legenda:
Robert Albin sto pitgar giu mintga di il glatsch dal bavraduir da las vatgas.
RTR, C. Albin
2 / 5
Legenda:
La stalla libra è quasi mo in tetg per las vatgas, tut è avert.
RTR, C. Albin
3 / 5
Legenda:
La stalla libra protegia las vatgas da plievgia e vent, ma betg da temperaturas bassas.
RTR, C. Albin
4 / 5
Legenda:
Cura che i fa fraid maglian las vatgas dapli fain.
RTR, C. Albin
5 / 5
Legenda:
Era ils vadels n'han betg problems cun la fradaglia.
RTR, C. Albin
Vatgas ed auters animals da bains purils vegnan ozendi savens tegnids en stallas libras – stallas avertas che dattan als animals quasi mo in suttetg. Grazia a quai èn ellas l'entir onn ordavert ed èn disadas da s'adattar a l'aura. Tenor Robert Albin, in pur da bio a Tersnaus che posseda ina tala stalla libra, cumenzian sias vatgas a bajegiar si in pail d'enviern cura che las temperaturas sa sbassian d'atun. Perquai na hajan ellas nagins problems sche las temperaturas sa sbassian sut nulla.
Magliar dapli e star ensemen
Las temperaturas bassas senta Robert Albin cunzunt vid il sa cuntegnair da las vatgas. Per ina giaschian ellas pli stretg ina da l'autra, quai per dar chaud ina a l'autra. E per l'autra maglian las vatgas era dapli cura ch'i fetschia pli fraid. Per stgaudar il corp dovrian ellas dapli energia e perquai stoppian ellas magliar dapli.
audio
Bunura: Fraid per umans ed animals?
04:59 min, ord Actualitad dals 27.02.2018.
laschar ir. Durada: 4 minutas 59 Secundas.
audio
Bunura: Infrastructura da stalla averta cunter fraid
