Siglir tar il cuntegn

Header

cuntegn

Surselva Vella: Pratica bajegiada da la vischnanca - model per l'avegnir?

A Vella ha la vischnanca finanzià la nova pratica. Il medi sto «mo» pajar las apparaturas e la mobiglia. Tenor Christian Rathgeb è quai ina buna schliaziun. Cunzunt era per chattar medis giuvens ch'èn pronts da surprender ina pratica en la periferia.

Organisar il provediment medicinal da basa en ina regiun è l'incumbensa da las vischnancas. Per il schef dal departament da giustia, segirezza e sanadad dal chantun, il cusseglier guvernativ Christian Rathgeb, èsi perquai impurtant che las vischnancas defineschian baud avunda, co quest provediment duai vesair ora ed era co quel sappia vegnir realisà. Ina pussaivladad saja da planisar l'avegnir communablamain cun il medi – sco quai che la Lumnezia haja fatg.

audio
Mezdi: Chattar medis en la regiun - Vella ha in nov model
ord Actualitad dals 17.01.2018.
laschar ir. Durada: 2 minutas 37 Secundas.

Damain squitsch finanzial per il medi

A Vella ha la vischnanca finanzià il bajetg da la nova pratica. Il medi sto «mo» surpigliar ils custs per las apparaturas e la mobiglia en la pratica. Tenor Christian Rathgeb è quai ina buna schliaziun, era per chattar medis giuvens ch'èn pronts da surpigliar ina pratica en la periferia. Er per Mario Venzin, il giuven medi che surpiglia davent dil fanadur 2021 la practica a Vella, è quai stà in'impurtant factur per sia decisiun.

Planisar baud avunda

Tenor Christian Rathgeb è l'exempel da Vella in bun mussament, co il provediment medicinal da basa po vegnir organisà en ina vischnanca en la periferia. Las vischnancas stoppian dentant vegnir activas ed entschaiver cun la planisaziun ditg avant ch'il medi da chasa giaja en pensiun. Vella saja qua in bun exempel era per il rest dal Grischun.

Artitgels legids il pli savens