Siglir tar il cuntegn

Header

cuntegn

Surselva Vent criv per Remo Stoffel

La radunanza da condomini da las 3 chasas Tomül, Selva e Zervreila è stada plain tensiun. Ils possessurs da las abitaziuns en las chasas che tutgan tar il cumplex dal Hotel 7132 eran preparads sin tuttas eventualitads.

Ils possessurs en vegnids dad evitar che Remo Stoffel e sia 7132 SA pon surprender las chasas cun ina maioritad da las vuschs persunalas. Per ina da las 3 chasas en dumonda, la «casa Selva», èsi ì piz a cup, 30 a 36 vuschs - 6 vuschs han mancà a Remo Stoffel per surprender la maioritad da la chasa.

«Betg legal»

Per survegnir en la «casa Selva» la maioritad da las vuschs, ha Remo Stoffel cumprà ils davos onns 14 ulteriuras abitaziuns. Cun cumpar questas abitaziuns en questa chasa, n’avess Stoffel vinavant mo ina vusch persunala. Ussa ha el dentant chattà la pussaivladad da multiplitgar tut sias vuschs. Per Martin Stuber da la cumissiun che administrescha la «chasa Selva» n’è questa multiplicaziun betg legala. El ponderescha da purtar plant encunter quai. Sco el declera, haja Remo Stoffel cumprà abitaziuns en la «chasa Selva» e lura scrit vi ella a firmas che tutgan ad el per 100%. Ils ulteriurs possessurs da la «chasa Selva» sajan pronts per il discurs, di Stuber.

Spada da Damocles

Sur l’entira radunanza da condomini pendeva la spada da Damocles en furma dal nov hotel da luxus che vegn preschentà mesemna proxima. Quest hotel fatschenta ils possessurs da las abitaziuns enturn la Therme da Val.

Artitgels legids il pli savens