La regenza grischuna ha approvà in project per sanar la via chantunala a Sedrun sin il traject da la punt dal Drun. L'artg da la punt datescha anc dal temp da la construcziun da la via da l'Alpsu, pia dals onns 1863/64. La punt haja donns e la segirezza dal sistem purtant saja insuffizienta, perquai stoppia la punt vegnir sanada, scriva la regenza grischuna.
Il project cumpiglia tranter auter il remplazzament da la cuvrida dals vials e dals passapes sco er la sanaziun da la platta dals vials. Ultra da quai vegnan renovads il betun ed il mir da crappa. L’entir project custa radund 1,9 milliuns francs.
audio
Per tadlar: Las novitads da las 10:00
ord Novitads dals 26.09.2019.
laschar ir. Durada: 3 minutas 23 Secundas.
RR novitads 10:00