Siglir tar il cuntegn

Header

Plantas per part pinadas. Repower, Rodung, Oberland, Hochspannungsleitung
Legenda: FMR
cuntegn

Via da Polacs Pinà 930 plantas per la segirtad da la lingia d'auta tensiun

La lingia d'auta tensiun da la Repower per lung la Via da Polacs tranter Tavanasa e Glion è stada interrutta per bundant in mais. Il motiv per questa interrupziun è stada la runcada da 926 plantas.

Sco ch'il mainaproject da la Repower, Tarcisi Cavigelli, ha declerà envers la FMR saja stà urgent da proteger la lingia da 60 kilovolts d'eveniments da malauras. Gia pliras giadas sajan crudadas plantas setgas sin la lingia. Quai pudess chaschunar in fieu. Il selvicultur da Glion, Marco Casanova, ha confermà che questas plantas sajan in problem, er sch'ellas parian exteriuramain saunas e grondas, possian ellas esser marschas e vidas dadens.

audio
Per tadlar: curt e cumpact
ord RTR Audio dals 21.12.2022.
laschar ir. Durada: 1 minuta.

Gia fin il 2018 èn per quai vegnids allontanads singuls pigns. Quai n'haja dentant betg bastà per proteger la lingia. Per quai èn ussa vegnidas allontanadas 926 plantas u 1'700 meters cubics, quai duess proteger la lingia per ils proxims 30 onns.

RTR novitads 06:00

Artitgels legids il pli savens

Scrollar a sanestra Scrollar a dretga