Siglir tar il cuntegn

Surselva Via da Polacs sur Pass da Tumegl vegn sanada

La via sur il Pass da Tumegl tranter Stussavgia e Val Son Pieder vegn renovada.

Via da Polacs.
Legenda: La via da Polacs sur il Pass da Tumegl vegn sanada. MAD

Questa via è vegnida construida durant la Segunda Guerra mundiala da Polacs internads. La vart da Val S. Pieder fa ussa part da l'Inventari da las vias da communicaziun istoricas da la Svizra. La via ha ina gronda impurtanza turistica. Ella vegn frequentada savens da viandants e da ciclists da muntogna.

La regenza ha approvà il project da sanaziun cun la resalva da las lubientschas da las vischnancas pertutgadas. Latiers ha ella concedì ina contribuziun chantunala da maximalmain 178’434 francs.

Las lavurs da construcziun duain cumenzar la primavaira 2018.

RR novitads 10:00