Siglir tar il cuntegn

Header

Purtret dal grip e da l'ustaria che stat sutvart.
Legenda: Peiden Bogn en Lumnezia sut. MAD, Uffizi da construcziun bassa
cuntegn

Via Val S. Pieder Grip instabil a Peiden Bogn vegn siglientà

A Peiden Bogn sto vegnir siglientà in toc grip instabil. Quai ha communitgà l’Uffizi da construcziun bassa dal chantun. Durant las lavurs da renovaziun da la via en Val Son Pieder hajan ins constatà ch’il grip smanatschia da crudar en via. Per evitar il privel stoppian ins uss siglientar il grip da circa 300 meters cubics.

Charta da l'uffizi cun nudà il grip che duai vegnir siglientà.
Legenda: Il grip che duai vegnir siglientà a Peiden Bogn. MAD, Uffizi da construcziun bassa

Suenter las mal'auras da l'avust han ins constatà ch'in pachet da crap pli grond, en radund 60 meters autezza n'è betg pli fermà vid la part dal grip davos quel. Questa part dal grip na possia betg vegnir fixada. Perquai duai ella ussa vegnir siglientada en rama da las lavurs da renovaziun che giran gia.

Las preparaziuns per la siglientada vegnan gia fatgas dapi intginas emnas. Previs è da siglientar il grip mardi saira ils 19 da november, a las 21:00 uras.

Ord l'archiv:

Video
Il grip a Peiden Bogn, survegn in mantè da metal
Or da sil punct dals 19.07.2018.
laschar ir

RR novitads 14:00