Siglir tar il cuntegn

Header

cuntegn

Viafier retica Staziun a Trun duai vegnir sanada il 2023

En l'avegnir duai la staziun da la Viafier retica a Trun er correspunder als basegns da persunas cun impediments. Tenor la FMR, duai quest project custar 16,15 milliuns francs.

La sanaziun da la staziun da Trun è part dal pensum da la Viafier retica, d'ademplir la lescha federala davart l'egualitad da persunas cun impediments. Pass per pass sanescha la Viafier retica perquai sias staziuns, quai sin fundament da prioritads. Trun è in lieu cun in’instituziun per persunas impedidas ed ina chasa da tgira. Persunas cun impediments arrivan e bandunan pia il lieu.

Perruns vegnan cuverts

La staziun duai obtegnair dus binaris, il perrun vers sid vegn ad esser cuntanschibels cun in sutpassadi. Omadus perruns vegnan cuverts cun tetgs. Il sutpassadi duai era servir a glieud che vul ir da l’autra vart da la staziun en la zona d’industria. La dumonda per il project vegn per il mument tractada da l'Uffizi federal per traffic.

Ord l'archiv

audio
Viafier retica ha anc bler da far per levgiar il viagiar a persunas cun impediments
aus Actualitad vom 29.03.2021.
abspielen. Laufzeit 4 minutas 1 Sekunde.

RTR novitads 06:00

Artitgels legids il pli savens

Scrollar a sanestra Scrollar a dretga