La Dretgira chantunala grischuna ha declerà culpant in plevon catolic per posseder videos e fotos cun scenas crudelas da violenza nua ch'umans vegnan torturads u schizunt mazzads. Il plevon haja era tramess vinavant quest material illegal e duai perquai stuair pajar ina multa da 900 francs.
Da l'accusaziun pervi da violaziun repetida e mulesta sexuala ha la Dretgira chantunala però declerà nunculpant il plevon. Ina dunna aveva renfatschà ch'il plevon haja sfurzà ella al contact sexual. El haja smanatschà da clamar la gritta da Dieu sch'ella na fetschia betg obedientscha.
Gia la segunda instanza
Uschia suonda la Dretgira chantunala la sentenzia da la Dretgira regiunala Surselva. La sentenzia n'è anc betg en vigur. Fin la fin d'avrigl pon las partidas far recurs cunter la sentenzia ed ir avant la Dretgira federala. Il plevon na lavuria betg pli en il Grischun.