Siglir tar il cuntegn

Header

audio
Nova stizun a Vignogn
Or da Actualitad dals 08.11.2021.
abspielen. Laufzeit 3 minutas 58 Sekunden.
cuntegn

Vignogn Veglia stizun – novas ideas

La stizun da Vignogn ha serrà la fin d’october sias portas. Il destin d’autras stizuns dal vitg na vala dentant betg per Vignogn.

purtret dals dus umens davant la stizun.
Legenda: Curdin Foppa e Daniel Blumenthal. RTR RETO PFISTER

Stizun Lumnezia – in model

La cooperativa ViVal Lumnezia maina duas stizuns ed ina pasternaria. Igl è ina purschida da la vallada per la vallada. Cun ina svieuta da 3,7 milliuns francs ad onn èsi in'istorgia da success. La cooperativa ha ils davos onns dentant era stuì dumagnar sfidas, uschia ha ella stuì serrar duas stizuns.

Quella che ha serrà la fin d’october 2021 a Vignogn na tutgava betg a la ViVal, mabain a la Dehag. La detaglista associada al Volg ha fatg curtas cun ils da Vignogn. Per motivs da rentabilitad ha ella dà adia definitivamain a la Lumnezia. Quai ha la populaziun resentì. Ina gruppa d’interess cun indigens e giasts da vacanzas è sa furmada.

Meglra collavuraziun cun producents regiunals

Cun agid da la ViVal Lumnezia e da la fundaziun Linsi avra in nov negozi sonda proxima puspè amez la Lumnezia. Il project cun il titel Stizun Lumnezia è ina schanza. La nova stizun da Vignogn na porscha betg mo products e colonialas dal mintgadi. Duas gruppas da students da la Scol’auta spezialisada dal Grischun accumpognan il project. Finamira è d’intensivar il contact cun producents e producentas da la regiun.

RTR actualitad 12:00

Artitgels legids il pli savens

Scrollar a sanestra Scrollar a dretga