Clau Schlosser resta president da vischnanca per ina ulteriura perioda d'uffizi. Votantas e votants han reelegì el cun stgars 85% da las vuschs.
L'entschatta mars aveva Clau Schlosser annunzià, ch'el sa retiria da ses post sco president da vischnanca. La cumissiun da quint e gestiun ha dentant pudì persvader el da candidar per ina ulteriura perioda d'uffizi. Plinavant ha il suveran da la vischnanca fusiunada da Breil era elegì duas novas persunas en suprastanza communala.
Bleras novas fatschas per il cussegl da vischnanca
Dals 13 commembers e commembras dal parlament communal han 7 persunas demissiunà. Abitantas ed abitants da las differentas fracziuns da la vischnanca fusiunada da Breil han dentant mussà interess per la lavur en quest gremi: Cun 14 dunnas ed umens ha ina persuna da memia candidà: