La vischnanca da Glion ha relaschà ina zona da planisaziun per indrizs per telefonia mobila. La finamira saja da cuntanscher uschia in svilup coordinà dals indrizs cun resguardar il medem mument ils interess publics, sco la vischnanca da Glion scriva. Actualmain dettia numnadamain in ristg d'in schlargiament betg coordinà che pudessi avair influenzas negativas sin la vischnanca. La zona da planisaziun vala per dus onns. Decis quella ha la suprastanza da Glion avant in'emna. Cunquai èn tut las dumondas areguard indrizs per telefonia mobila sistids.
Vischnanca da Glion Naginas lubientschas per antennas
Parter
RTR novitads 15:00
Parter