Cun il 1. da fanadur da quest onn mida il presidi da la vischnanca da Sagogn. Il mument dentant anc nagin che vul metter las chartas sin maisa. Davos las culissas datti dentant plaunsieu moviment.
Il giat è anc en il satg
Il president actual Hans Peter Casutt ha confermà envers RTR ch'i dettia interess ord la suprastanza per surpigliar l'uffizi. Ed er il president da l'uniun «Via Precauta», Uolf Candrian, ha confermà ch'il tema dal presidi communal saja vegnì discutà tar els en suprastanza. Nums uffizials n'èn però anc enconuschents nagins. Er tar las dunnas da Sagogn na para il post da presidenta communala anc betg da carmalar ellas ord la reserva.
Datti a la fin ina surpraisa?
A Sagogn èsi pussaivel da far propostas per candidats u candidatas enfin la saira d'elecziun. Surpraisas poi pia dar anc durant la radunanza d’elecziun. A Sagogn na fiss quai betg l’emprima giada che quai capitass.