Cun pinar laina da brisch en in guaud tranter Rabius e Surrein ha ina persuna chattà ossa en il chagliom. La persuna ha annunzià la scuverta a la Polizia chantunala. Il pledader da medias da la Polizia chantunala Roman Rüegg ha confermà il cas, l'annunzia saja arrivada ils 3 da schaner.
Las examinaziuns han mussa ch’i sa tracta dad ossa d’in uman. I sa tracta d'in um svizzer che viveva en Germania.
L'um era tenor las indicaziuns da la Polizia chantunala vegnì annunzià il zercladur 2021 sco sparì a Minca. Da lez temp era l'um 89 onns vegl. Daco che l'um è vegnì per la vita na po la polizia betg dir.
Tenor las examinaziuns d’enfin ussa na quinta la polizia betg – che l'um è mort pervia d’in delict.
Pli bleras infurmaziuns tar il cas na po la polizia tenor Roman Rüegg betg dar il mument. Las retschertgas na sajan anc betg terminadas.