Las pendicularas da Val Sogn Pieder ch’han da cumbatter cun problems finanzials survegnan sustegn da la vischnanca.
Suenter discussiuns cuntraversas ha la radunanza communala approvà la dumonda per ina contribuziun dad in mez milliun francs.
Parallel tar quest sustegn finanzial vegn elavurà in concept da sanaziun per garantir che las pendicularas possian cuntinuar cun il manaschi. Las pendicularas da Val scrivan dapi 10 onns cifras cotschnas.
A la proposta da la cumissiun da gestiun da refusar la dumonda han ils da Val ditg cleramain na.
