Cura ch'ina persuna dal stab da crisa ha sa laschà testar per il coronavirus ed è vegnida testada positiv è quai stà ina surpraisa per il stab da crisa da la vischnanca da Glion.
Nus eran bain preparads, gia a l’emprima sentupada avain nus defini nossas substituziuns en cas ch’i avess da tutgar in da nus.
Era Carmelia Maissen, la presidenta da la vischnanca da Glion e manadra dal stab da crisa, è s'infectada cun il coronavirus. Tuttina haja il stab funcziunà vinavant, era cun dus cas da corona – sco i sto esser.
Jau hai ussa duas emnas quarantina davos mai, e sun ussa guarida. Tar mai èn ils sintoms stads fitg flaivels.
Era la segunda persuna ch'era s'infectada è bain vidlonder. Omaduas quintan da puspè pudair lavurar normal entaifer quest'emna.