Siglir tar il cuntegn

Header

audio
Dal stab da crisa da Glion èn duas persunas s'infectadas cun coronavirus
Or da Actualitad dals 31.03.2020.
laschar ir. Durada: 2 minutas 44 Secundas.
cuntegn

Vischnanca Glion Il stab da crisa en la crisa

Era cun dus cas da coronavirus en il stab da crisa da Glion funcziuna quel senza problems perquai ch'ins ha reglà ad uras co agir en ina tala situaziun.

Cura ch'ina persuna dal stab da crisa ha sa laschà testar per il coronavirus ed è vegnida testada positiv è quai stà ina surpraisa per il stab da crisa da la vischnanca da Glion.

Nus eran bain preparads, gia a l’emprima sentupada avain nus defini nossas substituziuns en cas ch’i avess da tutgar in da nus.
Autur: Carmelia Maissen Presidenta vischnanca da Glion

Era Carmelia Maissen, la presidenta da la vischnanca da Glion e manadra dal stab da crisa, è s'infectada cun il coronavirus. Tuttina haja il stab funcziunà vinavant, era cun dus cas da corona – sco i sto esser.

Jau hai ussa duas emnas quarantina davos mai, e sun ussa guarida. Tar mai èn ils sintoms stads fitg flaivels.
Autur: Carmelia Maissen Presidenta da la vischnanca da Glion

Era la segunda persuna ch'era s'infectada è bain vidlonder. Omaduas quintan da puspè pudair lavurar normal entaifer quest'emna.

RTR actualitad

Artitgels legids il pli savens