Siglir tar il cuntegn

Header

cuntegn

Vischnanca Glion Parlament communal renviescha la lescha da parcar

La lescha davart il traffic ed il parcar avess duì reglar igl urden da parcar da maniera unitara per las dudesch fracziuns ordaifer la citad da Glion. Il concept da parcar ch'era gia vegnì presentà al parlament oriundamain prevesa in sistem da vignettas, meds da pajar digitals ed els pli paucs cas, uras da pajar.

audio
Motivs per NA a la lescha
ord Actualitad dals 15.09.2022.
laschar ir. Durada: 3 minutas 41 Secundas.

Per la fracziun da Glion è il urden da parcar reglamentà dapi 7 onns. Tar las autras 12 fracziuns resta ina basa legala unitara vinavant pendenta. Il parlament ha renvià la lescha cun 21 vuschs ed ina abstenziun, uschia che la suprastanza sto anc ina giada ir sur ils cudeschs. La dumonda dal parlament preveda ina cumissiun da parlamentaris che duai surlavurar la lescha.

La vischnanca Glion survegn ina lescha per la promoziun da la cultura

Il parlament communal da Glion ha plinavant approvà la Lescha davart la promoziun da la cultura unanimamain. Sco tar il urden da parcar, mancava fin uss ina basa legala harmonisada. Durant la sesida è tranter auter vegnì debattà sche la bilinguitad en connex cun la cultura duess vegnir francada en la lescha ni buc.

Vinavant è il program per la construcziun da vias vegnì presentà. La vischnanca quinta cun investiziuns da 30 milliuns francs per il manteniment dals 30 kilometers vias communalas.

Artitgels legids il pli savens

Scrollar a sanestra Scrollar a dretga