Siglir tar il cuntegn

Header

audio
Petiziun cunter uffizi da bajegiar da Glion
Or da Actualitad dals 26.10.2021.
abspielen. Laufzeit 3 minutas 59 Sekunden.
cuntegn

Vischnanca Glion Petiziun fa attent sin incunvegnientscha en l'uffizi da bajegiar

En la vischnanca Glion vegnan rimnadas suttascripziuns per ina petiziun che sa drizza cunter l'uffizi da bajegiar. Vischinas e vischins n'èn betg cuntents cun l'agir da l'uffizi. Tenor la petiziun stoppia perquai sa midar bler. La vischnanca prenda posiziun en chaussa pli tard.

Pretensiuns per l'avegnir

  • Realisescha lescha da bajegiar senza opiniuns persunalas
  • Surpiglia responsabladad, ed agescha lasuenter
  • Involva cussegliaders ed auters uffizis mo en cas urgents
  • Betg simplamain acceptar decisiuns e propostas da cussegliaders ed auters uffizis, mabain s’engaschar per la populaziun
  • Critica envers architectura è da tralaschar e da prender decisiuns objectivas tenor la lescha.
In um cun chavels grischs ed egliers che ri. El guarda dasper la camera vi.
Legenda: L'impressari Claudio Cadruvi n'è betg cuntent cun l'uffizi da construcziun da la vischnanca da Glion. RTR, Linus Livers

La petiziun che Claudio Cadruvi, impressari da Glion, ha lantschà mussa la malcuntentientscha da la populaziun da Glion envers l'uffizi da bajegiar. La lescha da bajegiar vegnia interpretada tenor opiniuns persunals, fa el valair en la petiziun. Quella fa er propostas concretas co gidar la populaziun. Quai cun l'idea da crear ina glista da duairs ed in prediscurs per persunas che vulan bajegiar.

video
Petiziun cunter uffizi da bajegiar a Ilanz/Glion
Or da Telesguard dals 26.10.2021.
abspielen. Laufzeit 5 minutas 33 Sekunden.

In uffizi che fa tema

Rimnar suttascripziuns saja ì fitg bain, di Claudio Cadruvi quai malgrà che bain inqualin haja gì retegnientschas da suttascriver.

Sche nus essan en la vischnanca da Glion uschè lunsch ch'ins ha tema da vegnir schicanà, sch'ins suttascriva ina tala petiziun, lura èsi trist.
Autur: Claudio Cadruvi Impressari Glion

Tge che saja er deplorabel, saja che bleras persunas hajan ditg, ch'i na possian betg suttascriver questa petiziun, perquai ch'i hajan sez affars e na veglian betg ristgar da betg pli survegnir lavur, uschia Claudio Cadruvi vinavant. Persunas hajan er ditg ch'i hajan dumondas pendentas tar l'uffizi da construcziun e na veglian betg periclitar quellas.

Carmelia Maissen, la presidenta da la vischnanca da Glion, ha ditg envers RTR ch'ella prendia posiziun en chaussa, denton pir suenter la surdada da la petiziun.

RTR actualitad 12:00

Artitgels legids il pli savens

Scrollar a sanestra Scrollar a dretga