Quella differenza è d’attribuir tenor il president communal a dapli entradas da taglias communalas. Uschia ha la vischnanca savì nudar total 5’955’409,80 francs entradas ord taglias communalas, dapli che 1 milliun dapli che planisà. Cunzunt tar la taglia a la funtauna, la taglia sin gudogn vendita sulom, la taglia sin midada da maun e la taglia sin ierta e donaziuns.
Amortisaziuns da 2’608’929,80
Grazia a quai bun resultat ha la vischnanca era pudì amortisar dapli che planisà. Las amortisaziuns supplementaras han pudì vegnir augmentadas sin 1’883’545,95 francs (planisà era 1’000’000 francs). Total èn vegnidas fatgas amortisaziuns da 2’608’929,80 francs. La summa da bilantscha munta uschia per la fin 2016 sin 34’839’359,70 francs.
RR novitads 16:00