Las lavurs vid la via da meglieraziun Spezembien (Frust Grond) en il vischinadi da Vrin pon vegnir fatgas. La radunanza communala da la vischnanca Lumnezia ha approvà venderdi saira il project ed il credit necessari da 350'000 francs.
Latiers ha il suveran da Lumnezia ditg Gea a trais rendaquints finals per sanaziuns da vias:
- via da funs Schlareins, Bars (Lumbrein/Vignogn)
- via da guaud Tersnaus, spartgida Cunscharola (Tschamiu)
- via communala Sogn Roc, Trutg / Sur Mulins, Vella
Plinavant han las votants ed ils votants elegì unanimamein e senza abstenziuns Gian Peider Casanova da Vella e Alexa Cavegn da Vella sco commembers da la cumissiun da bajegiar per la vischnanca Lumenzia per la perioda d'uffzi 2021-2024.
Preschents a la radunanza communala eran 48 votantas e votants.
Ord l'archiv
Per 4,8 milliuns francs contribuescha la vischnanca Lumnezia per in svilup da la vischnanca. Uschia dat quai novas stiziuns ed ina nova pratica da medi.