Siglir tar il cuntegn

Header

Navigaziun

cuntegn

Vischnanca Lumnezia Gudogn bler pli aut pervi da nov model da quint

Il quint annual 2018 da la vischnanca Lumnezia serra cun in gudogn da 2,5 milliuns francs. Sco tut las ulteriuras vischnancas en il Grischun ha er Lumnezia midà l'onn 2018 sin il nov model da contabilitad armonisà.

L'onn 2017 aveva la vischnanca Lumnezia anc fatg in gudogn da 125'000 francs. Ils 2,5 milliuns gudogn da quest onn han per gronda part da far cun la midada sin il nov model da contabilitad armonisà. Cun quest model èn las amortisaziuns definidas cleramain e na pon uschia betg pli vegnir adattadas per influenzar il gudogn.

Tar entradas da strusch 17 milliuns francs cuntanscha la vischnanca Lumnezia in cash-flow da 3,5 milliuns francs. Ina entrada extraordinaria en l'autezza da radund 80'000 francs ha la vischnanca pudì cudeschar, grazia a l'indemnisaziun da l'AutoDaPosta SA en connex cun il scandal da subvenziuns.

RR novitads 12:00