Siglir tar il cuntegn

Header

cuntegn

Vischnanca Medel/Lucmagn Radunanza communala approva preventiv e revisiuns da leschas

La radunanza communala da Medel/Lucmagn ha approvà il preventiv 2024 che quinta cun in gudogn da passa 70'000 francs. Quai tar entradas ed expensas da bunamain 4 milliuns francs. Quai scriva la vischnanca.

Plinavant è vegnì approvà il preventiv da l'Ovra electrica Medel. Quel preschenta in surpli d'entradas da bunamain 50'000 francs tar entradas ed expensas da radund 2,9 milliuns francs. Il pe da taglia resta l'auter onn tar 70% da la taglia chantunala simpla.

Vinavant ha la radunanza approvà las revisiuns da la lescha per il stab directiv communal, da la lescha da sepultura e santeri, la lescha da pumpiers e la revisiun parziala dals statuts dals Pumpiers Sursassiala.

RTR novitads 09:00

Artitgels legids il pli savens