Siglir tar il cuntegn

Header

cuntegn

Vischnanca Tujetsch A la tschertga d’in medi

La vischnanca da Tujetsch vul tschertgar in medi u ina media per garantir la successiun suenter l'onn 2023. In concept per il futur ha ella preschentà al parlament communal.

Il medi actual Andreas Fischbacher va il 2023 en pensiun. En il concept ha la vischnanca elavurà diversas pussaivladads co mantegnair la purschida medicinala. Anc avant la stad vul la vischnanca cumenzar cun la tschertga d'ina media u in medi, quai en collavuraziun cun Grisomed. La finamira è da suttascriver cun quella u quel in contract d'intenziun, sche pussibel sin la fin da l'onn. Silsuenter duai la fatschenta definitiva vegnir suttamessa als gremis politics e vegnir decis davart ina pussaivla cumpra da la chasa nua che la pratica sa chatta suten.

Medi singula – u pratica da cuminanza

En il concept propona la vischnanca er diversas variantas da manar la pratica: Sco enfin uss cun ina media u in medi singul, u en ina cuminanza da plirs medis. En il cas d'ina cuminanza da medis fiss la vischnanca possessura dal bajetg cun la pratica e laschass a tschains quel.

Garanzia da deficit per residenza Dulezi

Il parlament communal ha ultra da quai approvà en sia ultima sesida da conceder a la residenza Dulezi ina garanzia da deficit annuala da radund 100’000 francs. Quella duai esser valaivla a partir da l’onn da gestiun 2020. Sur da questa fatschenta vegn la populaziun da la vischnanca Tujetsch a decider definitiv anc a la radunanza communala.

RTR novitads 10:00

Artitgels legids il pli savens

Scrollar a sanestra Scrollar a dretga