Siglir tar il cuntegn

Header

cuntegn

Vischnanca Tujetsch Dapli gudogn che l'onn passà

La sesida dal cussegl da vischnanca da Tujetsch ha tractà il quint communal dal 2019. Quel serrà cun in gudogn da 909’000 francs. En tut noda la vischnanca expensas da 12’536’249 francs ed entradas da 13’445’254 francs. Vinavant cuntegna il quint deducziuns totalas da 222’065 francs. Il cash-flow munta a radund 2,5 milliuns francs. L’onn 2018 aveva la vischnanca da Tujetsch nudà in gudogn da radund 400’000 francs. Il cussegl communal ha approvà il quint unanimamain, scriva la vischnanca da Tujetsch. La populaziun po prender cunter la decisiun il referendum facultativ.

Quint dal Bogn Sedrun

Il Bogn a Sedrun noda in deficit da 468’604 francs. Quai tar entradas da radund 406’000 francs ed expensas da radund 874’600 francs. Las entradas èn per circa 20’000 francs pli bassas che l’onn passà. Il manaschi dal bogn Sedrun senza custs da persunal custa la vischnanca da Tujetsch radund 350’000 francs, quai èn 30’000 francs dapli che l’onn passà. Il quint è vegni approvà unanim dal cussegl communal. En ina da las proximas sesidas vegn il cussegl communal a tractar ils credits per la sanaziun dal bogn Sedrun.

audio
Per tadlar: Las novitads da las 10:00 uras
ord RTR Audio dals 28.05.2020. Maletg: RTR
laschar ir. Durada: 3 minutas 24 Secundas.

RTR novitads 09:00

Artitgels legids il pli savens