11 emnas èn ils ischs da las chasas da tgira stads serrads per tut las visitas, per confamigliars, amias ed enconuschents. Dapi questa emna lubescha l’uffizi da sanadad dal chantun dad avrir las portas, resguardond las mesiras da protecziun. En la chasa da tgira s. Martin a Trun èn visitas lubidas dapi il mardi passà.
Il fatg da betg pudair sa scuntrar cun ils confamigliars è stà per la gronda part dals cussadents il mender. Damain han ils blers resentì da betg pudair ir en il vitg, da betg pudair far cumissiuns u d'ir en l’ustaria a café.
Il pli vess hai jau fatg che mes da chasa n'han betg savì vegnir.
Era per il persunal èn quai stadas emnas pretensiusas. Els èn stads obligads da restrenscher lur contacts privats sin il minimum per po betg vegnir en contact cun il coronavirus.
Jau aveva il sentiment ch’ins haja ina gronda responsabladad da betg runar en chasa il virus e dar enavant el als cussadents.
