Siglir tar il cuntegn

Header

video
Siglentada da la bova sin la via da Riein
Or da Actualitad video dals 17.07.2015.
laschar ir
cuntegn

Surselva Viver a Riein cun la via serrada

La via directa da Riein a Glion è anc adina serrada pervia d'ina bova. Tenor igl uffizi da construcziun bassa, sa la via pir vegnida averta il pli baud la fin settember.

Carta da google maps cun inditgà las duas vias, il sviament sur Dutga e la via directa da Glion a Riein.
Legenda: Il sviament sur Valendau e Dutga (mellen) è bler pli lungs che la via directa (cotschen). RTR

Cunzunt per las persunas che lavuran a Glion è quai ina situaziun malempernaivla. Ellas ston charrar sur Dutga e Valendau per ir a Glion. Quai vul dir enstagl d’in viadi da 7 km in viadi da 20 km, enstagl da 15 minutas in viadi da 40 minutas.

Per las persunas che èn era durant il di a Riein ni che lavuran a Riein, vul la via serrada cunzunt dir esser flexibels. Ellas na san betg pli ir “dabot giu Glion a far cumissiuns”.

Tabla da signalisaziun dal sviament da Riein.
Legenda: La via tranter Sevgein e Riein resta anc serrada almain fin la fin settember. RTR, L. Livers

Era intgins purs ston far viadis bler pli lungs che normal da lur stallas enfin ils funs. Indemnisaziuns dal chantun na dat i dentant betg per quellas expensas supplementaras.

Cun ils privels da la natira han ils abitants da Riein emprais da viver. La via è anc mintgatant serrada pervia da bovas ni lavinas. Ir insanua auter a star pervia da quels privels na vul dentant nagin abitant da Riein.

Artitgels legids il pli savens

Scrollar a sanestra Scrollar a dretga