La votaziun davart la revisiun parziala da la planisaziun locala da Mustér è pir la fin november – in mais pli tard che planisà. Sco quai ch’il president communal Francestg Cajacob ha ditg, dovrian las autoritads dapli temp per infurmar la populaziun, avant da laschar votar.
Uschia è la votaziun ils 29 da november empè dals 18 d’october. Il cussegl da vischnanca ha ditg gea a la revisiun da la planisaziun locala. La revisiun prevesa tranter auter ina zona speziala per il nov ressort Catrina da las pendicularas da Mustér ed ina zona speziala tar il Hotel Disentiserhof.
