Legenda:
Cun ina suletta vusch differenza è Vuorz sa decidì per in project da fusiun cun Breil.
RTR
cuntegn
Surselva - Vuorz ed Andiast vulan fusiunar cun Breil
Las vischnancas da Vuorz ed Andiast vulan elavurar in contract da fusiun cun la vischnanca da Breil. Quai han las duas radunanzas communalas decidì il venderdi saira.
Entant che Andiast ha ditg cun 65:15 vuschs claramain gea a la fusiun cun Breil, han ils da Vuorz ditg cun 105 cunter 102 vuschs gea ad ina moziun per la fusiun cun Breil e cun 105 cunter 100 vuschs gea a l’iniziativa per la fusiun cun Glion.
La fin finala hai dà ina votaziun decisiva e quella è crudada ora en favur da Breil, quai cun ina solia suletta vusch differenza, numnadamain cun 105 cunter 104 vuschs.
