Siglir tar il cuntegn

Header

video
I dat speranza per l’hotel Ucliva a Vuorz
Or da Telesguard dals 23.01.2017.
laschar ir. Durada: 3 minutas 6 Secundas.
cuntegn

Surselva Vuorz – in zic speranza per l’hotel Ucliva

A Vuorz duai il hotel da bio Ucliva vegnir manà vinavant, almain fin la fin da mars 2017. Quai han commembras e commembers da la Corporaziun Ucliva decidì a la radunanza generala extraordinaria.

Ina gruppa da lavur duai far propostas

Mo en cas ch'i na va bain cun l’hotel po la suprastanza era decider da serrar el gia mez mars. Commembras e commembras han dentant era vulì savair, co che quai giaja vinavant.

Suenter lungas discussiuns èn els sa cunvegnids d’installar ina gruppa da lavur che duai alura far propostas a la radunanza generala ordinaria il matg. Blers èn dentant da l’opiniun ch’ins duess manar vinavant l’hotel era durant la stagiun da stad.

audio
Bunura: In zic speranza per l'hotel Ucliva a Vuorz
ord Actualitad dals 23.01.2017.
laschar ir. Durada: 3 minutas 16 Secundas.

Donaziun spontana da 85'000 francs

Il president ad interim da la Corporaziun Ucliva Peter Stüssi è cuntent, ch’ils commembers sajan s’engaschads ed hajan dà 85’000 francs a la corporaziuns.

Il president communal da Vuorz Guido Dietrich manegia, ch’i fiss bun sch’ins savess che l’hotel saja era avert la stad. I fiss dentant donn sche

quel vegniss serrà.

In dils iniziants dal hotel Ucliva è Gallus Cadonau. El manegia ch’i dess pliras schliaziuns, co manar vinavant l'Ucliva. Ins stoppia generar 5'000 pernottaziuns dapli ad onn.

video
Peter Stüssi piglia posiziun
Or da Actualitad dals 21.01.2017.
laschar ir. Durada: 46 Secundas.

Il problem prinzipal da l'Ucliva: Las pernottaziuns mancan

Dapi almain diesch onns haja l’hotel da sbatter cun problems finanzials, ha Stüssi ditg a la radunanza. Ils onns passads haja l'Ucliva fatg savens deficits da tranter 60’000 e 100’000 francs en in onn da fatschenta. Plinavant stuess ins investir ca. 500’000 francs per sanar ils indrizs tecnics.

Mo il problem essenzial da l’hotel saja che las pernottaziuns sa reduceschian pli e pli, vul dir: ils giasts manchian.

RR actualitad 07:00

Artitgels legids il pli savens