Tgi che tschertga spezialitads da l’Ollanda a Vuorz, po ir en la stizun «het Keldertje» che vul dir «pitschen tschaler». E strusch da crair: i dat era lampas cun pe, gist da quellas sco la regina da l'Ollanda ha era ina.
Spezialitads da mangiar e lampas fatgas a maun
Avant l’entrada da la staziun giascha ina vatga, la Berta. Ina tipica Ollandaisa, alv-naira e senza corna.
En stizun datti spezialitads da mangiar ord il pajais sper la mar. Karin Henken ch’è naschida en l'Ollanda venda sper las spezialitads culinaricas era lampas cun ni senza pe, ch’ella producescha en lavur a maun en sia stizun. Ina da las lampas ch’ella ha fatg glischa en il palazi Ollandais a Den Haag.
