Ils World Skills ad Abu Dhabi fineschan per la squadra svizra cun in success fulminant: Cun las 11 medaglias d'aur, 6 d'argient e 3 da bronz vegnan las Svizras ed ils Svizzers surpassads en la rangaziun da naziuns da la China cun 30 e la Korea cun 24 medaglias. Per questa rangaziun vala il total da medaglias.
Irina Tuor fa aur sco spezialista per la sanadad
Ina dad 11 medaglias d'aur va en il Grischun: Irina Tuor da Breil survegn la medaglia d'aur per sias prestaziuns sco spezialista per la sanadad (FaGe). Il mecatronist Riet Bulfoni da Scuol è vegnì otgavel ed ha survegnì in diplom dals World Skills. Malgrà ch'el era bain dischillusiunà ha el gì plaschair per ses cumpogns dal team svizzer.
Els dus eran ensemen cun il polimecanist Silvio Tönz da Val la delegaziun da las emprendistas ed ils emprendists grischuns en la squadra svizra.
-
Bild 1 von 5. Irina Tuor (entamez) cun sia medaglia d'aur e las duas collegas plazzadas suenter ella. Bildquelle: MAD, Swissskills.
-
Bild 2 von 5. Suenter la premiaziun ad Abu Dhabi –. Riet Bulfoni ed Irina Tuor. Bildquelle: RTR, Livio Chistell.
-
Bild 3 von 5. Irina Tuor a ses lieu d'emprendissadi e da lavur, a l'ospital chantunal a Cuira. Bildquelle: Keystone.
-
Bild 4 von 5. Riet Bulfoni durant la concurrenza ad Abu Dhabi. Bildquelle: Keystone.
-
Bild 5 von 5. La Svizra ha raschun da far festa – resultat sensaziunal per la squadra als World Skills. Bildquelle: Keystone.
Sco en il Sport: Sa qualifitgar per rivar tar ils World Skills
Ils World Skills èn ils campiunadis mundials da las professiuns. Sco tar campiunadis da sport datti er tar quels da las professiuns ina qualificaziun. Be ils megliers emprendists svizzers han la schanza da sa qualifitgar per la delegaziun svizra e da sa mesirar cun emprendists d'auters pajais.
RR novitads 20:00++