Siglir tar il cuntegn

Header

Navigaziun

Legenda: Tadlar il audio Bunura: Yvonne Gienal en dialog cun Aluis Carigiet. Durada 03:08 minutas.
Or da Actualitad dals 31.05.2019.
cuntegn

Surselva Yvonne Gienal en dialog cun Alois Carigiet

«Han tut mes patratgs plaz sut igl ischi» – uschia sa numna l’exposiziun da l’artista Yvonne Gienal en il Museum Sursilvan Cuort Ligia Grischa a Trun.

Sco punct da partenza per malegiar prenda Yvonne Gienal in'illustraziun ubain in element da l’artist indigen Alois Carigiet. Londeror datti in dialog tranter las ovras da Carigiet e quellas da la giuvna artista sursilvana.

Ina punt tar sia vita ed oz

In maletg che mussa, co quai funcziuna èn nivels da colur rosa cun fatschas charinas. Sco Che Yvonne Gienal raquinta, veglia ella dentant tschertgar ina punt tar el, sia vita ed oz.

Perquai haja ella cumbinà ch'ils nivels guardan sin in act dad ina dunna. En quest mument sa midan ils nivels en ina massa da voyeurs – sco che nus sajan era mintgatant. Uschia haja ella tratg la punt dad insatge charin ed innocent tar insatge che n'è betg adina uschè bun.

Parallelas tranter ils dus artists

En ses art na veglia Yvonne Gienal betg copiar Alois Carigiet, ma mussar quai ch'inspirescha ella da l'ovra da Carigiet. I dat dentant parallelas tranter ils dus artists: Omadus han scrit cudeschs per uffants, han gugent musters e colurs ed era l’umor.

L'exposiziun

  • La vernissascha è ils 1-6-2019, 17:00, en il Museum Sursilvan Cuort Ligia Grischa. L'exposiziun dura fin ils 27-7-2019.
  • La proxima exposiziun dad Yvonne Gienal è il settember en il Museum Ladin en Val Badia/Tirol dal Sid.

RR actualitad 06:00