Zai: intginas lavurs restan a Mustér

Sco Zai ha communitgà vegn la producziun da skis dischlocada da Mustér. Il service ed il servetsch per clients ch'han cumprà product da Zai resta dentant.

Skis da Zai. Bild in Lightbox öffnen.

Legenda da maletgs: Skis da Zai. zai.ch

Concret vul quai dir ch'ils commerziants spezialisads tgiran la clientella che ha products da Zai, quai ch'els hajan era fatg fin uss. Sco Benedikt Germanier ha ditg ad RTR scrodia bain il service spezial da skis dalla manufactura sezza. Qua sajan ins londervi da tschertgar in partenari che porschia quests service spezials. En discurs sajan ins cun las Pendicularas Mustér. La finala dettia quai era anc baininqual client indigen da Zai. Ina part da l'administraziun e cussegliaziun vegn a restar a Mustér, cunquai che questa lavur po vegnir fatga davent da chasa.

L’entschatta october è vegnì enconuschent che Zai na produceschi davent dal mars 2018 betg pli skis a Mustér e che tut las plazzas sajan vegnidas visadas. La raschun persuenter è ch’ils custs da producziuns ston vegnir reducids e che la fatschenta veglia schlargiar ses sortiment e quai en las spartas da golf e textilias. La producziun da skis duai dentant restar en il center. Nua che quels vegnan dentant producids na tradescha Zai betg. Enconuschent è sulet che quai duai esser insanua en Svizra.

RR actualitad 17:00