Siglir tar il cuntegn

Header

cuntegn

Sviament sid a Cuira Passa 40 multas e sveltezzas da fin 132 km/h

La fin d'emna è la Polizia da la citad da Cuira entrada en acziun pliras giadas. Tranter auter hajan els controllà la sonda saira la sveltezza sin il sviament sid, scriva la Polizia da la citad. Quest sviament maina da la cruschada da Sommerau en direcziun da Lai. Dals manischunzs e manischunzas han uss 41 da far quint cun ina multa disciplinara perquai ch'els han surpassà la limitaziun da sveltezza.

132 enstagl dad 80

Il pli spert manischunz è stà da viadi cun 132 kilometers l'ura en direcziun da Lai – nua ch'igl è be lubì da charrar cun 80. Il bigliet ha el pudì dar giu. In ulteriur manischunz ha la polizia mesirà cun 109 kilometers l'ura. Per quels dus pli sperts manischunzs datti uss accusaziuns.

Medemamain accusads vegnan dus automobilists che la polizia ha controllà curt avant mesanotg. Els n'eran betg pli capabels da manischar ed han era gia dà giu il permiss dad ir cun auto.

RTR novitads 14:00

Artitgels legids il pli savens